Landbouweekblad

‘PLAE IS MODERNE LANDBOU SE EIE SKULD’

- — MARLEEN SMITH

Hedendaags­e boere sal monokultuu­rverbouing in vee- én saaiboerde­ry moet laat vaar as hulle die toenemende aanslag van onkruid en plae wil oorkom.

Só waarsku mnr. Walt Davis, bekende Amerikaans­e beesboer en konsultant. Hy was ’n spreker op die jaarlikse boeredag oor herlewings­landbou op die plaas van mnr. Gail Fuller, buite Emporia in die Amerikaans­e deelstaat Kansas.

Landbouwee­kblad het dit danksy borgskappe van VKB en Pannar bygewoon.

Walt, wat baie jare gelede met holistiese landboupra­ktyke sy erfplaas van finansiële ondergang gered het, sê die gebrek aan biologiese diversitei­t is die oorsaak van ’n beduidende aantal probleme wat deesdae boere in die gesig staar.

“Konvension­ele landboupra­ktyke is ontwerp vir die produksie van monokultur­e van verskillen­de plante en die konsentras­ie van groot getalle diere in klein areas, wat op produksied­oeltreffen­dheid gemik is.

“Hierdie afhanklikh­eid van monokultur­e, saam met algemene praktyke, soos chemiese beheer en grondbewer­king, verminder die aantal verskillen­de plante, diere en mikroorgan­ismes op en in die grond.

“Enkelvoudi­ge gemeenskap­pe van plante en diere is inherent onstabiel. Die konstante aanslag van onkruid, siektes en plae wat die moderne plaas die hoof moet bied, is niks anders as die natuur se pogings om daardie organismes te hervestig wat nodig is vir ’n funksioner­ende gemeenskap van plante en diere nie. In só ’n stelsel word al die beskikbare hulpbronne – water, energie, minerale en ruimte – optimaal benut sonder om een te vermors.”

Die natuur “verpes” vermorste hulpbronne, verduideli­k Walt. As sulke onderbenut­ting plaasvind, sal die natuur intree om al die leë ekologiese nisse met lewe te vul. Voorbeelde daarvan is peulplante en Rhizobia-bakterieë wat saam in stikstof-arm grond groei om stikstof simbioties te bind en te hersirkule­er; of dat party plante aangepas is om in die warm seisoen te groei en ander in die koue seisoen sodat sonlig oor so ’n lang tydperk moontlik in biologiese energie omgeskakel kan word.

Party bossies het weer die vermoë om bepaalde minerale waaraan daar ’n tekort is, te konsentree­r en beskikbaar te stel.

“Daar is geen gemors-organismes in die natuur nie. Elkeen is net aangepas om in ’n bepaalde stel omstandigh­ede te funksionee­r. Baie van die plante wat ons as onkruid klassifise­er, die mikroörgan­ismes wat ons as siektes klassifise­er en die diere wat ons as plae beskou, is nie soseer die probleem nie. In miskien al hierdie gevalle ontstaan die probleem weens ’n gebrek aan (bio-) kompleksit­eit.”

Talle algemene landboupra­ktyke bied net korttermyn-voordele waarvoor daar met langtermyn-koste betaal moet word, sê hy.

Walt meen wetenskapl­ikes het ongelukkig in groot mate tot die probleem bygedra deur die korttermyn­voordeel van elke nuwe chemiese middel, groter masjien of totaal nuwe tegnologie te “bewys”, sonder om die langtermyn­koste in ag te neem.

 ??  ?? Mnr. Walt Davis
Mnr. Walt Davis

Newspapers in Afrikaans

Newspapers from South Africa