WÊRELD PRÁÁT OOR SA SE LANDELIKE MISDAAD
In geen ander land ter wêreld speel landelike misdaad so ’n groot rol in boere se lewens as in Suid-Afrika nie, sê dr. Theo de Jager, voorsitter van die Wêreldorganisasie vir Boere (WFO). “As ons boere nie hul moue oprol en die draak van landelike misdaad aandurf nie, gaan dié draak hulle verslind. As die huidige geslag dit nie bestry nie, gaan die volgende een erger ly.”
ATTIE skryf: Hoekom moet enige boer met sy bloed betaal, terwyl die verskoning van armoede en honger gebruik word om misdaad teen boere te regverdig? JUSTUS JONES skryf: Mense in die Suid-Afrikaanse Regering sing dat boere doodgemaak moet word, maar daar kan nie bewys word dat die Regering plaasmoorde ondersteun nie? Maar ’n toerbus word beroof en die Regering kan by hulle gaan kuier. Ek is nie seker nie, is daar mense gemartel? Is daar mense opgesny?
M. KRUGER skryf: Nou verstaan ek hoekom ons sit waar ons sit. Want hy praat snert. Voor 1994 was daar ook armoede en die misdaadkoers was nie so hoog nie. Hoekom nie? Want ons het ’n polisiediens gehad wat opgelei was en dissipline gehad het.
Die armoedesituasie sal nooit opgelos word nie, want ons bevolking het sedert 1994 verdubbel. Hoe kan jy die probleem oplos as die bevolking net aanhou groei?
Miskien as hy lankal besef het dié teorie is aanvaarbaar op die regte plek en tyd en die probleem getakel het, het ons nie nou met ’n landelike situasie gesit waar jy ’n polisieman net sien as hy in die staatsvoertuig by jou ’n skaap kom koop nie. Ons probleem is tans dít: Die polisie is totaal en al onopgelei, ongedissiplineerd en oorbetaal en glo dat omkoopgeld deel is van Afrika. Dit sluit wit en swart lede in.
JENNIE TERBLANCHE
skryf: Dit is selfverdigingseenhede waarvoor die staat met ons belastinggeld betaal omdat beveiliging sy plig is, maar hulle slaag nie in hul doel nie. Boeregemeenskappe kan verdedigingseenhede skep met staatsfinansiering. M. KRUGER antwoord: Jennie, die staat het lankal vir ons ’n deur oopgemaak. Sluit by die polisie se reservistemag aan. Dan het jy baie regte wat jy as boer nie het nie om jou en jou eiendom te beskerm. Om die een of ander rede sê almal hulle wil die kommandostelsel terughê. Dit gaan nie gebeur nie. Die polisie se reservistemag is jou antwoord.