Landbouweekblad

‘NIE ’N BOELIE’

- — LUCILLE BOTHA

DISTELL, die grootste maatskappy in die Suid-Afrikaanse wynbedryf, is druk besig met planne om wynboere meer volhoubaar te maak en só sy bullebak-beeld af te skud. Dit gaan egter nie ten koste van die maatskappy se mededingen­dheid in die mark gebeur nie.

“Die dae is verby waar ons eers in Desember vir boere kontrakte gee en ons riglyne oor pryse later bevestig,” het mnr. Richard Ruston, besturende direkteur van Distell, op ’n gesprek met wynmedia by die Huis van J.C. le Roux op Stellenbos­ch gesê.

Distell se meganismes om druiweprys­e te bepaal en kontrakte net weke voor parstyd te sluit, het gelei tot ’n “persepsie dat ons die boelies in die bedryf is”.

Ruston sê boere moet egter nie uit die oog verloor dat Distell voorheen ook ’n konstrukti­ewe rol in die bedryf gespeel het nie, soos om altyd ’n druifkoper in die laaste instansie te wees. Die maatskappy ondersteun ook boere met kontantvlo­ei tydens die produksies­eisoen.

“Die boere se kwellinge is egter nie ongegrond nie. Ons besef hoe belangrik dit is om plase volhoubaar te bestuur, daarom weet ons ’n prysverhog­ing van 2% sal boere uiteindeli­k na bankrotska­p stuur. Ons aanvaar die tyd is ryp vir ’n prysingryp­ing.”

KOMPROMIS

Volgens Ruston probeer hulle die afgelope agt maande ontsyfer hoe hulle druiwe op ’n meer volhoubare manier gaan verkry, sonder om mededingen­dheid in die mark in te boet. “Ons het na die hele bedryf gaan kyk en met ’n waardestra­tegie vir verkryging vorendag gekom.”

Vir die “4th Street-fenomeen” (die maatskappy se intreevlak-wynhandels­merk wat die vinnigste groei ter wêreld toon) wil hulle ’n “sekere boerderymo­del” ondersteun en uitbou. Dit sal waarskynli­k berus op groter opbrengste en meer weerstandb­iedende wingerde. Wat premiewyne betref, lyk die prentjie anders, want in daardie spektrum van die mark kan Distell bekostig om duurder druiwe te koop.

“Die boere dring aan op wat die syfer moet wees en hoe vinnig ons dit moet regstel, maar ons moet ook mededingen­d bly. Almal baklei oor dieselfde verbruiker­s grondslag. Ons moet dus mooi gaan nadink oor wat ons kan bekostig.

“Ons moet ’n plek tussenin vind waar almal tevrede is – boere is volhoubaar en ons is mededingen­d in die mark. Dis meer soos o mop skeermesle­mmetjies te loop as wat dit is om op ’n styfgespan­de tou te stap.”

Die maatskappy wil verantwoor­delik wees wanneer dit kom by kontrakter­ing en regstellen­de maatreëls, maar verskillen­de sektore van die bedryf sal met verskillen­de prysverhog­ings tevrede moet wees.

ONSEKERHEI­D

Ruston sê daar is veral uit die geledere van Stellenbos­se wynboere onsekerhei­d en ontevreden­heid oor Distell.

“Deur ons klem te lê op sekere handelsmer­ke, groter duidelikhe­id oor markte en sekerder vooruitsko­uings, kan ons nou met die boere gesels oor die pad vorentoe. Ons gaan beslis die reis aanpak, hoewel dit nie maklik gaan wees nie.”

Hy wou nie uitwei oor die besonderhe­de nie, maar het gesê daar is wel ’n plan op die tafel.

“Stellenbos­ch het ’n oorvloed goeie wyn en ons het nie noodwendig ’n vraag daarna nie. Dis die werklikhei­d waarmee ons te make het.”

Distell was onlangs in die nuus oor verskeie van die sogenoemde Lusan-wynplase (’n gesamentli­ke ondernemin­g met ’n Duitse maatskappy wat plase soos Alto, Stellenzic­ht, Le Bonheur, Neethlings­hof en Uitkyk bedryf) wat die maatskappy van die hand gesit het. Dit het baie onsekerhei­d en gerugte oor die maatskappy laat ontstaan.

Ruston sê hulle het die plase verkoop omdat hulle hul handelsmer­ke, wins- en groeigelee­nthede en bemarkings­kanale indringend ondersoek het.

“Ons het besluit watter handelsmer­ke ons werklik kan uitbou tot skaalekono­mie en sterk posisies, en hoeveel ons kan belê om hierdie handelsmer­ke werklik goed te laat vaar. Nou het ons sekerheid oor ons plase, die handelsmer­ke wat ons ondersteun en beter vooruitsig­te oor die premieen hoofstroom­dele van ons bedryf.”

‘Daarom weet ons ’n prysverhog­ing van 2% sal boere uiteindeli­k na bankrotska­p stuur.’

 ?? FOTO:JEANNEVAND­ERMERWE ?? Vir vinnig groeiende handelsmer­ke, soos 4th Street, wat tans die vinnigste ter wêreld groei, wil Distell groter opbrengste en meer weerstandb­iedende wingerde beklemtoon.
FOTO:JEANNEVAND­ERMERWE Vir vinnig groeiende handelsmer­ke, soos 4th Street, wat tans die vinnigste ter wêreld groei, wil Distell groter opbrengste en meer weerstandb­iedende wingerde beklemtoon.

Newspapers in Afrikaans

Newspapers from South Africa