PARYS / LIMOUSIN / R190 000
Die duurste dier op die Meridian Genetics Limousinveiling op Parys was ’n dragtige koei wat teen R190 000 verkoop is. By die koei is, van links, mnre. W.H. Britz, J.C. Steenkamp, J. Pistorius en K. van Tonder (verkopers van Hautspot Limousins). R. van Niekerk (koper) van die plaas Inhoek, Bothaville, J. Serfontein en me. Q. de Vries, albei verkopers. Hautspot is ’n maatskappy met ses aandeelhouers. Die duurste bul is teen R160 000 aan mnr. R.H. Tratschler van Winterton verkoop. Die afslaer was Jan van der Nest en Vleissentraal Bethlehem het die veiling aangebied.