Veilingsverslae
PUIK teelmateriaal was op die gesamentlike produksieveiling van die Angus-stoetery Dunedin en die Hereford-stoetery Kevlynn op die plaas Table Hill, Dordrecht, beskikbaar. Die duurste dier, Dunedin Capatalist 507 (die Angusbul op die foto), is teen R112 000 aan mnr. Paul Meade van Donnybrook, KwaZulu-Natal, verkoop. Die duurste rooi Angus is teen
R70 000 aan mnr. Bruce Bryant van Tarkastad verkoop. Altesame 23 swart Angusbulle, 9 rooi Angusbulle en 8 Herefordbulle is saam met kommersiële vroulike diere aangebied. Angusbulle het gemiddeld R50 250 stuk behaal. Herefordbulle is teen gemiddeld R36 500 stuk verkoop, met die duurste bul, Kevlynn Roulette 509, wat teen R70 000 aan mnr. Janbert Rheeders van Rhodes verkoop is. Die veiling is deur Sheard Afslaers behartig en die afslaer was mnr. Ian Sheard.