Brand­stof: Prys­sty­ging kos land­bou R1 mil­jard

Landbouweekblad - - Lbw|inhoud - — NICO VAN BURICK

DIE kwaai brand­stof­prys­ver­ho­gings wat ver­le­de week in wer­king ge­tree het, gaan die land­bou­sek­tor kort dus­kant R1 mil­jard per jaar aan by­ko­men­de pro­duk­sie­kos­te uit die sak jaag.

Die prys van pe­trol het Woens­dag met 82c/li­ter ge­styg en die groot­han­del­prys van die­sel met 85c/li­ter tot 87c/li­ter. Dit be­te­ken pe­trol kos nou ’n re­kord­hoë R15,79/li­ter in die bin­ne­land en R15,20/li­ter in die kus­ge­bie­de. Die­sel se groot­han­del­prys wis­sel van R13,70/li­ter tot R14,19/li­ter – ook die hoog­ste pry­se tot nog toe.

Mnr. Paul Ma­ku­be, se­ni­or land­bou-e­ko­noom by FNB A­gri-Be­sig­heid, sê die ho­ër ru­o­lie­prys is ’n dub­be­le te­rug­slag vir boe­re weens die in­vloed op die brand­stof­pry­se, as­ook die o­lie-ne­we­pro­duk­te wat vir an­der pro­duk­sie­mid­de­le, soos kuns­mis en plaag­do­ders, ge­bruik word. “Die so­mer is ver­by. Die oes­pro­ses is in vol­le gang met 3,85 mil­joen ha wat ge­stroop word, as­ook ’n by­ko­men­de 500 500 ha ko­ring wat nou in die Wes-Kaap ge­plant word.

“Dit kan mak­lik ek­stra uit­ga­wes van meer as R153 mil­joen be­te­ken. Aan­ge­sien land­bou­pro­duk­te hoof­saak­lik pad­langs ver­voer word, be­te­ken brand­stof­prys­ver­ho­gings ’n klei­ner wins vir boe­re,” sê hy. Ver­voer­maat­skap­pye gaan ook kwaai ge­tref word. Meer as 80% van al­le graan word by­voor­beeld pad­langs ver­voer. Ma­ku­be sê hier­die kos­te sal met­ter­tyd van ver­brui­kers ver­haal word.

PRYSDRUK

Met be­trek­lik groot oes­te wat ver­wag word en groot oor­drag­voor­ra­de sal pry­se on­der druk bly tot voor­deel van ver­brui­kers. Ma­ku­be sê daar is ook be­rig­te dat groot o­lie­pro­du­se­ren­de lan­de, soos Sa­oe­di-Ara­bië en Rus­land, hul o­lie­pro­duk­sie wil op­stoot. Dit kan o­lie­pry­se af­dwing en ver­de­re brand­stof­prys­ver­ho­gings voor­kom.

Newspapers in Afrikaans

Newspapers from South Africa

© PressReader. All rights reserved.