Land­wye naspeur­baar­heid ‘bin­ne vyf jaar moont­lik’

Landbouweekblad - - Lbw Nuus - — JO­HAN NORVAL

DIE boer moet die ver­ant­woor­de­lik­heid vir die vei­lig­heid en ge­hal­te van sy pro­duk aan­vaar tot­dat dit op die ver­brui­ker se bord be­land.

Dít was die bood­skap van dr. Pieter Vervoort, voor­sit­ter van die na­si­o­na­le die­re­ge­sond­heids­fo­rum op die jaar­kon­gres van die Noord-Kaap­se Rooi­vleis­pro­du­sen­te-or­ga­ni­sa­sie (RPO) in Kim­ber­ley.

Hy sê in­dien ’n i­den­ti­fi­ka­sie­stel­sel vir al­le in­di­vi­du­e­le vee nie vir Suid-A­fri­ka in­ge­stel word nie, sal die boe­re hul mark­toe­gang ver­loor.

Hy het ook ge­sê die Suid-A­fri­kaan­se rooi­vleis­be­dryf moet hom nie blind staar teen die ver­brui­ker in die bui­te­land nie, aan­ge­sien Suid-A­fri­kaan­se ver­brui­kers ook op ’n vei­li­ge na­speur­baar­heid­stel­sel aan­dring wat ver­troue in­boe­sem.

“Die plaas­li­ke ver­brui­ker dring ook aan op in­lig­ting oor waar sy kos van­daan kom, hoe dit ver­bou is en al die as­pek­te wat met vei­li­ge voed­sel­pro­duk­sie ge­paard­gaan. Der­hal­we is die vleis­be­dryf se ko­de van beste prak­ty­ke ook van be­lang,” sê Vervoort.

Hy sê die an­der be­lang­ri­ke as­pek van naspeur­baar­heid is die mo­ni­te­ring van dieregesondheid, wat reg­streeks ver­band hou met toe­gang tot uit­voer­mark­te, en die ver­brui­ker wat wil weet dat die kos op sy bord heil­saam is.

KOÖRDINASIE

Mnr. Koos van der Ryst, na­si­o­na­le voor­sit­ter van die RPO, sê die vee­brand­merk­stel­sel in­ge­vol­ge waar­van die ei­e­naar van ’n dier ge­ï­den­ti­fi­seer word, be­staan reeds. “In die ge­val van ’n na­speur­baar­heid­stel­sel word die in­di­vi­du­e­le dier ge­ï­den­ti­fi­seer, wat die be­kam­ping van vee­dief­stal be­voor­deel,” sê hy.

Hy waar­sku eg­ter dat die brand­merk­stel­sel en her­re­gis­tra­sie van vee-ei­e­naars eers ver­be­ter moet word voor­dat naspeur­baar­heid op na­si­o­na­le vlak in­ge­fa­seer kan word.

“Daar be­staan al ’n klomp hulp­mid­dels van die be­oog­de stel­sel, maar dit is nog nie ge­koor­di­neer nie. A­bat­toirs wat vleis aan die groot win­kel­groe­pe le­wer, be­dryf reeds e­le­men­te van naspeur­baar­heid. Om die stel­sel om­vat­tend in te stel, be­hoort nie té moei­lik te wees nie.”

Vol­gens Van der Ryst se be­ra­ming sal ’n na­si­o­na­le na­speur­baar­heid­stel­sel oor min­stens vyf jaar in be­dryf ge­stel kan word.

Newspapers in Afrikaans

Newspapers from South Africa

© PressReader. All rights reserved.