VIR DIE GESIN
Boerekos 13 is hier!
Biltong-enfetakaaskoek Kors
6 velle fillodeeg 100 ml gesmelte botter
Vulsel
2 houers (230 g elk) geroomde maaskaas 1 houer (200 g) biltonggeurroomkaas 4 ekstragroot eiers 180 ml karringmelk, jogurt of suurroom 180 ml fyn biltong of biltongpoeier 20 ml koekmeel 250 ml gekrummelde fetakaas
Om af te rond
250 ml klam beesbiltongskaafsels Roketblare en olyfolie
Voorverhit die oond tot 180 °C en smeer ’n 20 cm-losboomkoekpan. Smeer elke vel fillodeeg met ’n dun lagie gesmelte botter en voer die tertbord met laag op laag fillodeeg uit. Laat die rante van die deeg oor die kant van die pan hang. Bak vir 10 minute en haal uit die oond. Verlaag die oondtemperatuur tot 160 °C. Sit die kase, eiers, karringmelk (of jogurt of suurroom), fyn biltong en koekmeel in ’n voedselverwerker en pols tot glad. Giet in die halfgaar kors en krummel die fetakaas oor die vulsel. Bak vir 1 uur tot die kaaskoek net-net ferm is (die binnekant kan nog liggies bewe as jy teen die pan tik). Skakel die oond af en maak die deur op ’n skrefie oop. Laat die koek vir 30 minute in die oond afkoel en haal dit dan uit om verder af te koel. Rond af met skaafsels biltong en roketblare. Bedruip met olyfolie en maal ’n bietjie swartpeper oor. Lewer 10 porsies.