3

landboureus red

Die Argentynse regering wil die bankrot sojamaatskappy Vicentin oorneem. Die regering sê sy plan sal poste help red en die land se toekomstige voedselsoewereiniteit help verseker.

Kritici meen egter enige tipe nasionalisering sal die land dieper in ’n ekonomiese krisis laat sink.

Vicentin het bankrot gespeel nadat hy verlede jaar met geleende geld groot uitbreidings gedoen het. Politieke onsekerheid oor die presidentsverkiesing in Oktober 2019 het tot die ineenstorting van die markte gelei en internasionale banke het aan die land onttrek.

Vicentin het meer as $300 miljoen (R5,21 miljard) se kommersiële skuld, en hy skuld plaaslike en internasionale krediteure meer as $1 miljard (R17,37 miljard). Vicentin besit Renova, een van die grootste sojaperse ter wêreld. – Al Jazeera en New York Times