LIVESTOCK EN DIE GROOT PLAASPROE VANJAAR VIRTUEEL
DIE sewende jaarlikse Agri-Expo Livestock en die Groot Plaasproe sal vanjaar virtueel aangebied word. Die Suid-Afrikaanse veebedryf sou vanjaar van Donderdag 8 tot Sondag 11 Oktober 2020 op Sandringham buite Stellenbosch saamtrek vir dié geleentheid, maar nou sal hulle dit enige plek in die land aanlyn kan bywoon.
In die lig van die huidige ekonomiese klimaat, onsekerhede oor die hervatting van geleentop hede en veral die impak wat die Covid-19-pandemie nog lank op maatskappye sal hê, het Agri-Expo besluit om alle beoogde ekspo’s in 2020 virtueel aan te bied. Só sê mnr. Johan Ehlers, uitvoerende hoof van dié landbougenootskap.
“Ons het ’n verantwoordelikheid teenoor ons vertoners, uitstallers, vennote en die publiek om nie by te dra tot verdere onsekerhede nie en daarom kondig ons hierdie besluit vroegtydig aan,” sê Ehlers.
“Ná die sukses van Agri-Expo se eerste virtuele aanbieding van die Suid-Afrikaanse Kaasfees van 25 tot 27 April vanjaar, meen ons dat ons wel baie waarde kan toevoeg deur nóg nuwe virtuele platforms aan entrepreneurs, besighede en landbou-organisasies soos telersgenootskappe te bied.”
Volgens Ehlers beoog Agri-Expo ’n opwindende drie dae lange virtuele byeenkoms van Vrydag 9 tot Sondag 11 Oktober 2020 met hope inligting en vermaak.
“Die doel van Livestock is om vir Suid-Afrika se toptelers ’n platform van wêreldgehalte te gee om hul diere te skou en die rasse te bemark, maar ook om die jeug te betrek by verskillende fasette van die landbousektor.
“Opleiding en kennis-oordrag vorm ’n integrale deel van die ekspo, wat virtueel ook ’n groot impak kan hê.”
Die volledige program sal op en
aangekondig word.
Vir nog inligting, bel Agri-Expo by of stuur e-pos aan