Sandkasteel hou opedag
Die ACVV Sandkasteel Créche hou op 18 Oktober ‘n opedag.
Sandkasteel volg die ACVV VKO (vroeë kinderontwikkelings)-leerprogram wat fokus op ouditiewe en visuele persepsie, groot en fyn motoriese ontwikkeling, gesyferdheid, taal, kognitiewe- en emosionele ontwikkeling. Die ACVV VKO-leerprogram is ontwerp om kinders vanaf twee en ‘n half jaar tot vyf jaar te ontwikkel en stimuleer. Die VKO-leerprogram help die opvoeder in die fasiliteringsproses om die kleuter se vaardighede beter te verstaan.
Ingesluit in die maandelikse fooi is onder meer skryfbehoeftes, drie etes per dag, snoepie en bak en brou. Die skool is geleë in ‘n veilige area met kringtelevisiekameras. Onderrig is in Afrikaans en Engels. Besoek die skool op die hoek van Schoemanstraat- en Seemeeuplek. Kontak Belinda (044 691 3861) vir meer inligting.