Goju Ryu Karate presteer by Sportfees

Mosselbaai Goju Ryu Karate Dojo het vanjaar aan die jaarlikse Sportfees op Mosselbaai deelgeneem en elkeen van die vier lede wat ingeskryf het, het medaljes huis toe gevat.

Die lede, Steven Terblanche, Gerda Claassen, Charl van der Westhuizen en Christiaan Grobler het op Saterdag, 30 September aan die karatekompetisie in die binnenshuise sportsentrum in KwaNonqaba deelgeneem.

Steven het goud in kumite en silwer in kata verwerf, Gerda brons in kata, Charl brons in kata en silwer in kumite en Christiaan brons in kata. Die kompetisie is deur Michael Coetzee georganiseer en deelnemers van sover as Knysna en Plettenbergbaai het hul vernuf kom wys.

Opregte dank aan Sensei Kobus Klue vir sy ondersteuning en opleiding en sy bereidwilligheid om altyd die ekstra myl vir sy studente te loop.

Karateka van Mosselbaai Goju Ruy Karate Dojo wat aan die Mosselbaai Sportfeesbyeenkoms deelgeneem het is van links: Christiaan Grobler, Charl van der Westhuizen, Gerda Claassen, Kobus Klue en Steven Terblanche.