Punt-netbalspanne vaar goed
Die afgelope naweek het Hoërskool Punt se o/14A, o/16A en eerste netbalspanne aan die Bellville-netbaltoernooi deelgeneem.
Die o/14A-span het drie van hul vier wedstryde gemaklik gewen maar verloor ongelukkig hul laaste wedstryd teen Stellenberg met een doel.
Die o/16A-span speel een wedstryd gelykop en wen die ander drie wedstryde.
Punt se eerstespan wen al vyf hul wedstryde.
“Baie geluk aan al die spanne met hul mooi prestasies en uitstekende gedrag. Sterkte aan al die netbalspanne met hul voorbereidings vir Saterdag se wedstryde teen Outeniqua.”