die koskollig
Deelbrood-vir-ontbyt
(bl. 71) Ja, jy kan selfs braai vir ontbyt, maar ek stel voor jy maak dié een die aand voor die tyd saam met jou groot braai en geniet dit dan die volgende oggend koud met heerlike koffie.
Genoeg vir 6
kole vir braai 2 heel witbrode, ongesny 100 g (108 ml) sagte botter 250 ml songedroogde tamatiepesto 12 repe rugspek, brosgebraai 1 rooi-ui, in dun ringe gesny 250 g beleë cheddar, gerasper sout en varsgemaalde swartpeper
(bl. 72) Ek glo daar moet vir elke gas ’n broodjie wees by die braai, selfs vir die banters!
Genoeg vir 6
kole vir braai 12 groot bruin sampioene 30 ml fyn komyn sout en varsgemaalde swartpeper 12 skywe mozzarella-kaas 125 ml rooisoetrissie-pesto plus ekstra vir voorsit kombuistou basiliekruid vir voorsit
(bl. 72) As jy nes ek van Oosterse kos hou, sal jy prawntoast goed ken. Dis steurgarnaal-broodjies wat jy in warm olie braai met sesamsaad. Ek braai myne oor die kole.
Genoeg vir 8
kole vir braai 16 steurgarnale, doppe verwyder en skoongemaak 2 grasuie, fyngekap 15 ml vars gemmer, fygerasper sap en gerasperde skil van 1 suurlemoen 1 rooi brandrissie 45 ml soet sojasous 16 snye witbrood, korsies verwyder 1 eierwit 200 ml wit sesamsade
Sorg dat kole medium-warm is. Gebruik skerp riffelrandmes en sny brood in lengte in snye van sowat 1,5 cm dik – jy het 4 sulke lang snye nodig. Van die oorbodige brood kan jy krummels maak vir later se gebruik. Smeer botter op een kant van elke sny brood. Smeer tamatiepesto op elke botterkant. Verdeel nou die oorblywende bestanddele tussen twee van die gesmeerde snye brood. Geur met sout en peper en plaas tweede broodsny met gesmeerde kant na binne bo-op. Plaas in toeklaprooster en braai stadig oor warm kole tot goudbruin en kaas gesmelt het, sowat 5 minute per kant – wees geduldig en doen dit stadig. Sit voor en laat elke gas vir hom ’n stuk afsny.
Sampioenbraaibroodjies
Sorg dat kole medium-warm is. Gebruik teelepel en skep die stingel van elke sampioen uit sodat dit lyk soos ’n plat sny “brood”. Pak sampioene op werkvlak met stingelkant na bo. Sprinkel komyn oor en geur goed met sout en peper. Plaas ’n sny kaas op helfte van sampioene en smeer ’n lepel pesto oor die kaas. Plaas nog ’n sny kaas bo-op. Plaas tweede sampioen bo-op kaas met stingelkant na binne. Bind elke sampioenstapel vas met kombuistou (soos jy ’n geskenk sou toebind). Plaas in toeklaprooster en braai stadig oor warm kole tot sampioen gaar is en kaas gesmelt het – 8-10 minute per kant. Verwyder van hitte en knip tou los. Sit voor met ekstra pesto.
Steurgarnaalbroodjies
Sorg dat kole medium-warm is. Plaas al die bestanddele behalwe die brood, eier en sesamsaad in voedselverwerker. Verpulp by hoë spoed tot glad. Plaas 8 snye witbrood op werkvlak. Verdeel garnaalmengsel tussen broodjies. Plaas tweede sny brood bo-op. Seël elke broodjie reg rondom deur die twee snye met jou vingerpunte aan mekaar vas te druk. Verf een kant van broodjie met eier en doop eierkant in sesamsaad. Plaas in toeklaprooster en braai stadig oor kole tot goudbruin en bros aan weerskante – sowat 5 minute per kant. Sit voor.
Melk-potbrood met sjokoladesous
Tegnies is hierdie een seker nie heeltemal ’n braaibroodjie nie. Maar jy maak hom gaar oor kole, hy het brood in en jy kan hom geniet as nagereg – niks meer nodig nie!
Genoeg vir 8 SJOKOLADESOUS 250 ml room 100 g donkersjokolade
125 ml melkpoeier 280 g (500 ml) koekmeel 1 eier 1 x 10 g-sakkie kitsgis 115 g (125 ml) sagte botter 100 g (125 ml) strooisuiker 5 ml vanieljegeursel 200 ml louwarm melk kole vir braai versiersuiker vir oorsif roomys vir voorsit Plaas al die bestanddele vir die brood behalwe die melk in ’n elektriese menger se bak. Begin meng deeg met deeghaak by medium-spoed en voeg melk geleidelik by tot sagte, kniebare deeg vorm. Knie 7-8 minute met K-spaan (K-beater). Plaas deeg in skoon bak wat gesmeer is met olie en maak toe met kleefpastiek. Laat rys 30-35 minute op warm plek of tot dubbel die volume. Terwyl deeg rys, maak kole medium-warm. Verdeel gerysde deeg in 16 deegballe. Plaas in pot of pan wat in die kole kan gaan en spuit pan goed met kleefwerende kossproei. Bedek pan met foelie. Krap kole in ’ n sirkel aan die buitekant van jou braai – geen kole onder die pan nie. Plaas rooster sowat 20 cm bo kole en plaas pan met brood in bo-op. Laat bak 25-30 minute stadig of tot brood goudbruin en gaar is.
Sjokoladesous Terwyl brood braai, bring room en sjokolade tot kookpunt en roer tot gladde sous vorm. Verwyder gaar brood uit vuur en sif versiersuiker oor. Sit voor met sous en roomys.