Groenboontjie-enkekerertjie-bredie
(bl. 54) Span hierdie winter jou stoompot in om tyd te spaar. genoeg vir 4
45 ml olyfolie 1 ui, gekap 2 knoffelhuisies, fyngekap 30 ml fyn koljander 20 ml vinkelsaad 12 ontbeende hoenderdytjies 500 g groenboontjies, gesnipper sout en varsgemaalde swartpeper 250 ml hoenderaftreksel 1 x 410 g-blik gekapte tamaties 400 g gaar kekerertjies (sien wenk)
Verhit olie tot warm in groot stoompot. Roerbraai ui, knoffel, koljander en vinkel ’n minuut of twee tot ui begin verbruin. Voeg hoender en groenboontjies by en braai nog 2-3 minute. Geur met sout en peper. Voeg res van bestanddele by en maak pot toe. Bring tot volstoom en stoom 20 minute. Laat stoom uit pot ontsnap en pas geurmiddels aan. Sit voor met rys.
Wenk
Bedek 400 g droë kekerertjies met koue water en week oornag. Plaas in skoon pot en bring tot kookpunt. Kook 20-25 minute of tot sag en gaar. Moenie sout by die water gooi waarin die ertjies kook nie, dit maak dit taai. Dreineer en gebruik kekerertjies in resep of vries in porsies. >