Wafels met sjokolade-enrumsous

(bl. 91) Troos jou verkluimde winterlyf met ’n skeutjie rum in jou wafels.

genoeg vir 8

210 g (375 ml) koekmeel 5 ml sout 50 g (60 ml) strooisuiker 15 ml bakpoeier 2 eiers 250 ml melk 20 g (20 ml) gesmelte botter 100 g donkersjokolade, fyngekap

SOUS 1 x 365 g-blik karamelkondensmelk 125 ml melk 100 ml donker rum roomys van jou keuse

Sif koekmeel, sout, suiker en bakpoeier saam. Voeg eiers, melk en botter by. Roer met ’n draadklitser tot glad. Voeg sjokolade by en meng deur. Verhit ’n wafelpan en spuit goed met kleefwerende kossproei. Skep lepels vol beslag in pan en braai tot goudbruin en gaar, sowat 5 minute. Sous Bring kondensmelk, melk en rum tot kookpunt en roer tot glad. Plaas warm wafels op ’n opdienbord en skep karamelsous oor. Sit voor met balle roomys.