Gebraaide aartappels met raclette
(bl. 80) Dié lekkerte is deesdae op al wat ’n spyskaart is te sien.
genoeg vir 6
2 kg aartappels, met skil aan in wiggies gesny
60 ml gerookte paprika
80 ml olyfolie
sout en varsgemaalde swartpeper
400 g raclette-kaas – kyk by supermark se kaasafdeling
agurkies vir voorsit
Verhit oond tot 200 °C. Meng aartappelwiggies, paprika, olyfolie, en sout en peper saam in groot mengbak. Keer uit op bakplaat en plaas in warm oond. Oondbraai 30-40 minute oop of tot aartappels goudbruin en gaar is. Haal aartappels uit oond en hou eenkant. Draai oond se rooster-element op hoogste stelling. Plaas raclette in klein oondvaste pan en plaas onder rooster-element. Bak 5-10 minute of tot kaas gesmelt het. Plaas aartappels op opdienbord. Gooi gesmelte kaas oor en sit voor met agurkies.