Kraaklekker malvalekker-lollies

Sagte stokkielekkers vir klein tandjies.

GENOEG VIR 14

• 450 g malvalekkers

• 150 g botter

• pienk koskleursel

• 270 g pofrys-ontbytgraan (Rice

Krispies)

• veelkleurige papierstrooitjies • veelkleurige vermicelli,

om te versier

• linte, om te versier (opsioneel)

Smelt malvalekkers en botter saam in ’n groot pot terwyl jy af en toe roer. Roer ’n paar druppels pienk koskleursel by. Haal van plaat af en roer ontbytgraan by tot alles bedek is. Voer ’n bakplaat met bakpapier uit en spuit met kleefwerende kossproei. Skep die ontbytgraanmengsel op die bakplaat en druk plat tot oral ewe dik. Sit eenkant om af te koel en ferm te word. Gebruik dan ’n ronde koekiedrukker om sirkels uit die mengsel te sny. Druk ’n strooitjie in die kant van elke sirkel in sodat dit soos stokkielekkers lyk. Sprei vermicelli uit op ’n plat bord en druk die sirkels daarin. Versier met linte.