Lekkergoedhorinkies
GENOEG VIR 8-10
Kopieer ’n mooi ontwerp op papier en vou dit in kegelvorms wat jy vol lekkerte maak.
• 750 ml gewone sout springmielies
(sowat 125 ml pitte)
• 750 ml soet pienk springmielies
(resep op bl. 114)
• 200 g droëvrugte
en-neutmengsel
• 200 g sjokoladebedekte
moutballe
• 500 ml ronde
sesambedekte pretzels
• 500 ml ontbytgraanwieletjies
(Oaties)
• 250 ml ongegeurde sev-tjips
(Indiese snoepgoed)
Meng al die bestanddele in ’n groot bak en bêre in ’n lugdigte houer. Sit voor in papierkegels of -sakkies.
• 20 ml heuning
• 80 g botter, gesmelt
• 2 eiers
• 1 x 10 g-sakkie kitsgis
• 350 g (625 ml) koekmeel plus
ekstra vir uitrol
• 10 ml karamelgeursel • sonneblomolie vir diepbraai • kaneelsuiker (meng 200 g suiker
met 20 ml fyn kaneel)
VERSIERSEL
• 130 g (250 ml) versiersuiker,
gesif
• pienk koskleursel
• roosgeursel
• amandelgeursel
• klein gedroogde roosknoppies en geroosterde amandelvlokkies, om te versier
Plaas louwarm water en melk, suiker, heuning, botter, eiers, gis, koekmeel en geursel in elektriese menger. Klits by hoë spoed met mengspaan ( K-beater) tot die hele mengsel in een bal saamkom. Sit deeg in skoon bak. Maak toe met kleefplastiek en laat rys
45- 60 minute op ’n warm plek of tot dubbel die volume. Sprinkel meel op werkvlak, keer deeg uit en gebruik jou vingerpunte om deeg tot sowat 1 cm dik plat te druk. Druk met ’n ronde koekiedrukker van sowat 8 cm in deursnee sirkels uit. Vat ’n kleiner een van 2 cm en druk ’n gaatjie in die middel van elke groot deegsirkel. Plaas deegringe op ’n bakplaat wat met meel besprinkel is en laat rys op ’n warm plek tot dubbel die volume, sowat 30 minute. Verhit intussen sonneblomolie tot warm en plaas deegringe in warm olie. Braai sowat 3-5 minute per kant of tot goudbruin. Dreineer op kombuispapier en rol in kaneelsuiker.
Versiersel: Meng die versiersuiker met ’n bietjie warm water om ’n dik glansversiersel te maak. Verdeel die versiersel in die helfte en kleur die een helfte met ’n druppel pienk koskleursel. Voeg ’n paar druppels roosgeursel by die pienk versiersel. Voeg ’n druppel amandelgeursel by die wit versiersel. Roer dit deur. Smeer die versiersel oor die doughnuts. Rond die pienkes af met droë roosknoppies en die wittes met geroosterde amandelvlokkies.