Sjokolade-Churros

Sit dit vuurwarm voor. GENOEG VIR 12

• 420 g (750 ml) koekmeel

• 5 ml bakpoeier

• 750 ml water

• 2 ml sout

• 45 ml bruinsuiker

• 2 eiergele

• sowat 500 ml sonneblomolie • kaneelsuiker om in te rol

SJOKOLADESOUS

• 1 x 100 g-plak donkersjokolade • 250 ml room

Sif meel en bakpoeier saam.

Bring water tot kookpunt in ’n kastrol en voeg sout en bruinsuiker by. Roer tot suiker opgelos het. Haal kastrol van hitte af en voeg meel en bakpoeier by. Klop tot glad. Klits eiergele een-een by.

Laat afkoel. Plaas sagte deeg in ’n spuitsak. Verhit olie. Om te toets of olie reg is, gooi ’n stukkie brood daarin. As die blokkie ná 1 minuut mooi bruin is, kan jy die churros begin braai. Spuit die deeg direk in die olie. Braai 3-4 minute tot bruin. Dreineer op kombuispapier. Rol in kaneelsuiker en hou eenkant.

Sous Plaas sjokolade en room in ’n kastrol. Smelt oor baie lae hitte.

Sit warm voor met churros.