HOU JOU OOG OP DIE TAAK
Loer jy kort-kort na sosiale media terwyl jy studeer of in ’n vergadering is? Jy dink dalk jy multitask doeltreffend, maar jy skakel eintlik net vinnig van een taak na ’n ander oor. En so ’n rondspringery tussen onverwante take lei jou aandag af en laat jou fokus verloor, sê inligtingwetenskaplikes van die Universiteit Stellenbosch wat ’n studie hieroor gedoen het. Hul raad: Monitor hoe dikwels jy na iets op jou foon of tablet kyk terwyl jy met ’n ander taak doenig is. Laai ’n app af wat by tye jou toegang blok. Hou jou doelwitte (hoe lank jy sonder toegang wil wees) haalbaar.
Bron: Business Insider SA