Só kry jy die Marokkaanse styl
Was jy nog altyd bekoor deur die kleure en patrone van dié land in Noord-Afrika? Die stilis en binneversierder Amanda van Wyngaardt vertel hoe jy dit regkry in jou dekor. Argitektoniese detail Afgevlakte trappe wat na die bad lei, is tipies Marokkaans. Onthou net, die afvlaklaag kraak effens en haarkleursel kan dit vlek.
Tradisionele aksente Voeg ’n paar bykomstighede met tradisioneel Marokkaanse vorms by; hier verskaf die lanterns en spieëls die nodige eksotiese detail.
Rustige basiskleur ’n Naatlose, monochroom basiskleur
– in dié geval vars wit – vir die mure, wasbakeenheid en vloer skep ’n kalm, aardse atmosfeer.
Treffende aksente Gebruik lap om kleur en patrone in te bring; in dié badkamer skep die helderblou handdoeke ’n kleur-fokuspunt. Marokkaanse metaalware Bonkige silwer bakke, kruike en vase wat óf met ’n hamer gekap óf gegraveer is, skep visuele drama.
Rustieke elemente Die houtkis, spieëlrame en lanterns skep balans met die wit mure, wasbakeenheid en vloer.