Aletté-johanni
Die ligte bo die tafel in die ingangsportaal was die idee van ’n beligtingsontwerper, Charlene Nienaber van Charliendesign. Waar Heinz se ateljee nou is, was voorheen net ’n afdak. Die ateljee het sy eie ingang, en dis hier waar hy die meeste van die liedjies op sy nuwe album, Roar, geskryf het. ’n Gastekamer en -badkamer langs die ateljee bied slaapplek wanneer vriende en familie kom kuier.
Aletté wou ’n romantiese Victoriaanse gevoel in dié badkamer skep, en die pootjiesbad van Tile Africa pas dus perfek. Die laaikas van Chikadee is spesiaal as smukkas vir dié badkamer gemaak. “Ongelukkig is die krane bietjie kort vir die wasbakke,” sê Aletté. “Die kas word papnat wanneer jy jou hande was.” Die spieël is van MRP Home en die treffende smaraggroen verfkleur is Barbados Bay van Plascon.
Ná die uitgebreide bouwerk is die tuin van voor af ontwerp en uitgelê deur die plaaslike landskapargitekte Oriole Organics.
Die kombuis van die ou huis het op dié stukkie onbenutte stoep ( uitgeloop; dis nou by die nuwe, ruimer kombuis ingesluit.