Dis ons uit­span­plek

Die Van der Walts het baie va­kan­sies op­ge­of­fer om dié weg­breek­plek reg te ruk – nou kan hul­le die vrug­te van hul ar­beid pluk wan­neer hul­le wil uit­span.

Tuis Opknap - - Huis -

Soos baie van ons het Chris­to, ’n in­ge­ni­eur, en An­naat, ’n ap­te­ker en meu­bel-in­voer­der, baie be­si­ge le­wens – by die werk en by die huis. En na­ma­te die ein­de van el­ke jaar na­der­kom, is hul­le meer as ge­reed om af te ska­kel en ge­hal­te­tyd saam met fa­mi­lie en vrien­de deur te bring.

Vir hul­le be­te­ken dit om in die feestyd weg van hul huis in P­re­to­ria te wees. Daar­om het hul­le in 2004 be­sluit om ’n va­kan­sie­huis op die prent­jie­mooi OosKaap­se dor­pie Kaap St Fran­cis te koop.

Die huis was aan die klein kant, maar die see-uit­sig en rus­ti­ge om­ge­wing het die ei­en­dom on­weer­staan­baar ge­maak; hul­le Chris­to en An­naat van der Walt en hul kin­ders, Lis­ma­ri (20) en Ni­co­la (16) Kaap St Fran­cis 238 m² Suid het die huis ge­koop en be­sluit om met­ter­tyd die op­knap­werk te doen. En se­dert 2012 het dié ge­sin sta­dig maar se­ker die ruim va­kan­sie­huis van hul dro­me ge­skep.

Heel eer­ste is bou­ers in­ge­bring om die groot struk­tu­re­le ver­an­de­rin­ge aan te bring – die groot­te is verdubbel van ’n knus 115 m² tot ’n ge­mak­li­ke 238 m². Nou spog die huis met vier slaap­ka­mers, vier bad­ka­mers en oor­ge­noeg plek vir kui­er­gas­te.

Maar sa­ke het nie heel­te­mal seep­glad ver­loop nie: Weens swak vak­man­skap was die mu­re skeef, ven­sters is op ver­keer­de plek­ke in­ge­bou en baie ma­te­ri­aal is ge­mors. Maar aan­hou­er wen, en jaar ná jaar het hul­le aan die pro­jek bly werk – hul­le het ge­te­ël, ge­bou en kas­te ge­ïn­stal­leer, die trap ge­bou, meu­bels op­ge­kik­ker en ge­verf.

Nou is hul droom­huis klaar, en kan hul­le uit­ein­de­lik skoe­ne uit­skop en ont­span wan­neer hul­le by die see is. “Ons kan nie vir meer vra nie,” sê An­naat. “Dis prag­tig en vreed­saam.” Die huis g­rens aan ’n na­tuur­re­ser­vaat en hul­le sit dik­wels op die groot duin daar na­by en kyk uit oor die ki­lo­me­ters lan­ge on­ge­rep­te strand.

“Ons sien jaar ná jaar uit na ons Kers­va­kan­sies hier en kan ure lank stap, swem of fiets­ry. Dis ook lek­ker om net die uit­sig­te, soos die Se­al Point-vuur­to­ring, te ge­niet.”

Die fo­kus­muur in die kom­buis is ge­verf in die Plas­con-kleur Corn­flo­wer. Die Van der Walts het die sweefrak­ke van ou stei­er­plan­ke ge­maak. In ’n oor­we­gend wit ruim­te vang tref­fen­de by­kom­stig­he­de soos dié ke­tel-hanglig­te van The Lamp Fac­to­ry die oog. Van die eet­ka­mer­ta­fel bied die skuif­deu­re ’n on­be­lem­mer­de uit­sig op die dui­ne, see, vuur­to­ring en om­lig­gen­de woon­ge­bied. Om die ruim­te lig te laat voel is die ver­nis­te den­ne­hout­bal­ke wit ge­verf.

Die oop­plan-kom­buis-eet­a­re­a­en-sit­ka­mer maak op die dek oop. Hier skep die neu­tra­le mu­re ’n ont­span­ne at­mos­feer met spat­sels kleur in die by­kom­stig­he­de. Hul­le het die ei­land self ge­ïn­stal­leer en die hout van die oor­spronk­li­ke vloe­re hier her­ge­bruik. Met die uit­son­de­ring van die trap en bad­ka­mers is al die ou, af­ge­leef­de hout­vloe­re ver­vang met be­ton en be­dek met Bel­go­tex se Pro­vi­den­ce Mi­les Ash-vi­niel­te­ëls. “Nou is dit mak­lik om die vloe­re skoon te hou – baie prak­ties vir ’n va­kan­sie­huis!” sê An­naat. >>

Dié gas­te­ka­mer is ’n klas­sie­ke kom­bi­na­sie van oud en nuut in ver­skeie ska­ke­rings van blou. Die twee­de­hand­se ys­ter-bed­lam­pe het nu­we kap­pe ge­kry en die pa­trys­poort-spie­ëls is ver­guld en ge­verf. “Ons het ge­mik vir een­voud, ge­mak en ’n lig­te ge­voel met ’n tik­kie nos­tal­gie,” sê An­naat. On­der Lis­ma­ri en Ni­co­la se ta­ke was die ver­sie­ring van die bad­ka­mers. Die kas­te en spie­ëls is ge­verf vir ’n ver­weer­de voor­koms. Die mu­re is ge­verf in wit en Plas­con Vel­vag­lo S­tar­dust, ter­wyl swart en wit te­ëls wat skuins ge­lê is en ’n swart kan­de­la­ber ’n bie­tjie vi­su­e­le dra­ma by die blou kleur­ske­ma voeg. Die vars pa­let put in­spi­ra­sie uit die see, sand, skul­pe en An­naat se lief­de vir tur­koois. Die pret­ti­ge blou mu­re in Lis­ma­ri en Ni­co­la se ka­mer is ge­verf met Plas­con Fields­to­ne. Fee­tjie­lig­gie-lan­terns ag­ter die los­staan­de spie­ël bring ’n tik­kie speels­heid in.

Wie woon hier?

Newspapers in Afrikaans

Newspapers from South Africa

© PressReader. All rights reserved.