Realiteit: Botched, The Final Cut, Boer Soek ’n Vrou
Dr. Terry Dubrow vertel ons van gespesialiseerde chirurgie, sy lewe as ’n TV-dokter en meer in seisoen 4 van Botched.
Plastiese chirurgie verloop nie altyd volgens plan nie. Dis wanneer die span van die realiteitsreeks Botched (2014-nou) ontbied word. Ons het met dr. Terry Dubrow in sy LA-kantoor gesels, en dit lyk of die nuwe seisoen van die regstel van mislukte operasies na ’n nuwe vlak geneem word. “Sommige van die goed waaraan ons werk, is belaglik,” sê die 59-jarige. “Daar is sommige baie hartseer stories. Ons behandel ’n vrou wat haarself met opplomp-voorrade en bandseëlaar in haar gesig ingespuit het as ’n vuller. Sommige gevalle vereis maande van navorsing voordat ons die operasie kan doen.”
Wat’s nuut in seisoen 4? In die eerste drie seisoene het ons op die operasies gefokus. Die keer word daar meer aandag aan die pasiënte se stories gegee. Ja, jy sal steeds operasies en grafiese beelde sien, maar die lewensverhale kom eerste. Julle is al 43 episodes ver – het jy ’n TVloopbaan beplan? Nie regtig nie – ek het
nie die gesig vir TV nie. [Lag.] Ek was tevore op TV – in [die realiteitsreeks] Swan in 2004 en in Bridalplasty (20102011). Hang al die TV-dokters rond nadat hulle
klaar verfilm het? [Lag.] Ons ken mekaar hoofsaaklik deur kongresse en mediese werksessies. Ek hang nie met dokters uit op sosiale vlak nie – ek het ’n privaat lewe en dis belangrik om ’n duidelike onderskeid te tref. Ek ken dokters Drew en Oz (Dr. Drew On Call, 2011-2016, en The Dr. Oz Show, 2009-nou), maar ons praat glad nie oor werk nie. Moes jy al ooit tevore ’n ander dokter vra om met ’n ingewikkelde operasie te help? Nee. Die soort operasies waarin ek spesialiseer, doen basies niemand anders nie. Dit maak my die ekspert. Is daar enige operasies wat jy nie doen nie? Beslis – ek raak nie aan neuse nie. My vennoot, dr. Paul Nassif, is die neusspesialis, en ek fokus op abdominale en borsverwante operasies. Jy’s ook die reeks se uitvoerende vervaardiger . . . Ja, en dit het my baie idees gegee vir ander reekse, soos Botched By Nature (2016-nou). Maar terselfdertyd word ek toegelaat om met my dokterswerk aan te gaan terwyl ons TV-span hul werk doen.