QUINNE IS TOPS
Ek’s mal oor Quinne as Connie in 7de Laan. Ek het gehoor sy is ’n doula. Wat is dit en wat doen sy in haar vrye tyd? – SANDY, E-POS
Sedert Quinne Brown Huffman in Oktober 2016 ná jare weer by 7de Laan begin het, is sy baie besig. “Ek kry nie meer so baie tyd om ’n doula – iemand wat paartjies help met die hele swangerskap- en geboorteproses – te wees nie,” vertel Quinne. Maar dis nie al nie. “Ek praktiseer ook Metamorphosis, wat ma’s en kinders deur ’n tyd van verandering help.” Tussendeur is sy ma vir Charlotte (6) en Lara (3).