HET JY GEWEET?
• Agter die skerms is die Pasellaaanbieders (en die ooievaar) net so bedrywig: • Paul Rothman en die model Candice Boucher se babaseuntjie, Wolfe, is op 15 Maart gebore. Ouerskap het Paul geïnspireer om ’n kinderboek, Waya The Warrior Wolf, te skryf. • Vicky Davis en haar man, Schalk Joubert, se tweede kind is einde Augustus gebore. • HemelBesem en sy vrou, die hiphop-kunstenaar YOMA (Claudia Britz), verwag hul eersteling. • Dieter Voigt gaan op 15 September in sy hoedanigheid as onderwyser saam met sy skool se Suid-Afrikaanse tweekamp-atlete Spanje toe, waar hulle aan die tweekampwêreldspele deelneem. • Melinda Bam neem in November aan die SABC3-realiteitsprogram Tropika Island Of Treasure op die eiland Maledive deel. (In die reeks ding lede van die publiek saam met bekendes mee in spanne, wat elk uit twee lede bestaan.) • Sean-Marco Vorster, wat vanjaar ’n ATKV-mediaprys vir beste aanbieder van ’n vermaaklikheidsprogram gekry het, is einde November in die fliek Susters te sien.