SUITS

Die regsdrama Suits (2011-nou) eindig ’n jaar ná Meghan

Markle bedank het as Rachel Zane om met prins Harry te trou. Daar sal later vanjaar ’n finale seisoen 9 wees om al die los drade bymekaar te bring en hopelik sal ons als uitvind van Donna en Harvey (Sarah Rafferty en Gabriel Macht) se bliksnyer-ritueel wat ons nooit volledig gesien het nie. Luidens gerugte is die reeks gekanselleer omdat dit kykers verloor het nadat Meghan weg is, maar die skepper van die reeks, Aaron Korsh, sê: “Die akteurs was onder kontrak tot aan die einde van seisoen 7 en hulle was nie 100% seker wat hulle wou doen nie. Tydens seisoen 7 terwyl hulle kontrakte vir twee jaar beding het, het iets onvoorsiens gebeur – jy kan nooit weet een van jou sterre gaan met ’n Britse prins trou nie. Ons het dus ’n keuse gehad om ná seisoen 7 voort te gaan. Ons het besluit die oorspronklike plan was ’n seisoen 8 van 16 episodes en ’n seisoen 9 van 10 episodes.” Die vervaardigers probeer glo om Meghan en haar TV-man,

Patrick J. Adams (Mike), te oorreed om ’n video-oproep te doen as ’n kamee namate die splinterreeks Pearson met Gina Torres, wat haar rol hervat as Harvey se mentor Jessica Pearson, naderkom.