Die A-lys
Hierdie dinge is gewoon ononderhandelbaar…
• Privaatheid Jou huurders is op soek na rus en vrede. Verwelkom hulle vriendelik en verduidelik enigiets wat eie aan die blyplek is. Los jou kontaknommer en maak jou uit die voete. Moet in hemelsnaam nie ’n oorlas van jouself maak nie, maar reageer blitsig as hulle op jou nommer druk.
• Veiligheid Party plattelanders spog graag hulle sluit nooit hulle deur nie, maar gaste voel veiliger met diefwering, deure wat behoorlik sluit, ’n veilige sluitkas en, belangrik, veilige parkeerplek. ’n Alarm en kluis is luuks.
• Gemaklike bed(dens) – en so groot
(en lank) as moontlik.
• Goeie linne, kussings en hand
doeke.
• Sorg dat alles skoon is, en afgestof.
• Flatervrye bad- en toiletgeriewe.
• Alle basiese kombuistoebehore
(sien die illustrasie op bl. 54).
• ’n Waaier vir daai nagte wanneer
die kraaie selfs in hulle slaap gaap.
• ’n Verwarmer, kaggel en/of warmwatersakke as jy in ’n koue deel van die wêreld bly – in die geval van ’n kaggel moet jy minstens vir die eerste aand hout verskaf.