Die beste plek en grond

Weg! Platteland - - Kombuistuin -

Plant aar­tap­pels in vol­son en in grond wat be­hoor­lik met goed ver­rot­te kom­pos of kraal­mis ver­ryk is (bly ver weg van vars kraal­mis). Werk Tal­bor­ne Or­ga­ni­cs se Bo­nep­hos en Vi­ta Fruit and Flo­wer by die grond in om ’n goeie oes te ver­se­ker.

’n Groei­sei­soen van min­stens vier maan­de is no­dig. Jy sal op Kers­dag kan weg­lê aan die aar­tap­pel­moe­re wat jy vroeg in Sep­tem­ber ge­plant het, en as jy be­sluit om die moe­re eers in Ja­nu­a­rie of Fe­bru­a­rie te plant, sal jy tot diep in die win­ter nog kan oes.

Aar­tap­pels en ta­ma­ties sit glad nie om die­self­de vuur nie. As jy dié “aarts­vy­an­de” saam plant, sal jy uit­ein­de­lik sit met k­lein, har­de, gla­si­ge aar­tap­pels en ta­ma­ties wat nie be­hoor­lik ryp word nie. Kom­kom­mers, boon­tjies, ert­jies en kap­per­tjies is eg­ter ga­we bu­re: die boon­tjies en ert­jies sal ge­noeg stik­stof in die grond bind, ter­wyl kap­per­tjies met hul­le skerp, pe­pe­ri­ge blare in­sek­te weg­hou.

Newspapers in Afrikaans

Newspapers from South Africa

© PressReader. All rights reserved.