Plattelandse nooiens
Genoeg vir 4 Bereidingstyd 5 minute Gaarmaaktyd 10 minute
Hierdie “boerejongens” vat net ’n paar minute en kan warm met ’n koek óf koud met kase soos vars ricotta, feta of camembert voorgesit word.
Jy benodig
• 2 koppies (500 ml) druiwekorrels
• ½ glas (100 ml) hanepoot, muskadel of
ander soetwyn
• 4 eetlepels (60 ml) heuning
Só maak jy
Sit die druiwe, wyn en heuning in ’n kastrolletjie en verhit die mengsel stadig vir 5-10 minute. Ek sit dit vir 2-5 minute op Hoog in die mikrogolfoond – sommer in die bakkie waarin ek dit gaan voorsit. Moenie dit laat kook nie, anders verdamp die alkohol. Proe en voeg nog heuning of wyn na smaak by. Wanneer dit deurwarm is, verwyder dit van die hitte en laat dit eenkant staan om effens af te koel. >