Ge­rook­te ma­kriel

Weg! Platteland - - Gerookte Geur -

Ge­noeg vir 4-6

Be­rei­dings­tyd 1 uur

Gaar­maak­tyd 15 mi­nu­te

Jy kan hier­die me­to­de ge­bruik om e­ni­ge vis te rook. Ma­kriel is een van my guns­te­ling­vis­soor­te, maar ’n mens suk­kel om dit vars in die han­de te kry. As jy dit gaan rook, maak dit nie saak as die vis eers ge­vries was nie.

Jy be­no­dig

• 4-6 heel ma­krie­le

• 2 ℓ koue wa­ter

• 1 kop­pie (250 ml) sout

• ½ kop­pie (125 ml) bruin­sui­ker

• 40 ml suur­le­moen­sap

• 1 tee­le­pel (5 ml) vars­ge­maal­de swart­pe­per

Só maak jy

As jy vars ma­kriel ge­bruik, ver­wy­der eers die kop en bin­ne­goed en vlek die vis. In­dien jy be­vro­re ma­kriel ge­bruik, sal dit skoon­ge­maak wees en dan hoef jy dit net te vlek. (Jy kan ma­kriel rook son­der om dit te vlek, maar al die geur gaan aan die vel kleef, wat ’n mens nie eet nie.) Moe­nie be­kom­merd wees oor die gra­te nie – dit lig mak­lik uit as die vis eers ge­rook is.

Kook 2 kop­pies (500 ml) wa­ter en los die sout en sui­ker daar­in op. Gooi dit by die res van die wa­ter, voeg die suur­le­moen­sap en swart- pe­per by, en sit dit in die ys­kas om af te koel.

Sit die vis in ’n bak of em­mer en gooi die af­ge­koel­de pe­kel­meng­sel bo-oor. Laat dit vir 30 mi­nu­te staan. Haal die vis uit die pe­kel en druk dit met kom­buis­pa­pier droog.

Sit die vis vir ’n uur in die ys­kas – oop en in ’n en­kel­laag, vel­kant na on­der. Dis om die vis te laat droog, an­ders trek die rook nie goed in nie.

Be­rei die ro­ker voor. Verf die rook­rak­kie met o­lie so­dat die vis nie daar­aan vas­sit nie. Sit die vis met die vel na on­der op die rook­rak­kie, sit die dek­sel op en rook dit vir 15-20 mi­nu­te.

Sit die warm ma­kriel voor met sout­vlok­kies en vars, warm brood met plaas­bot­ter. Of laat dit heel­te­mal af­koel en bê­re dit vir tot 5 dae in die ys­kas. Wat oor­bly, kan jy vries en in ’n pa­tee (re­sep on­der) of vis­koe­kies ge­bruik.

Newspapers in Afrikaans

Newspapers from South Africa

© PressReader. All rights reserved.