Gun­du­la Deut­sch­lan­der

Weg! Platteland - - Wild & Wonderlik - Win­ter 2016

BA­BY­LON­STO­REN, WES-KAAP Brand­ne­tels, per­de­blom­me en geel­su­ring

“El­ke nou en dan hard­loop ek met ’n hand vol on­kruid kom­buis toe,” sê Gun­du­la, ’n tui­nier wat da­de­lik ’n mens se oog vang by Ba­by­lon­sto­ren na­by die Paarl. Sy ver­wys na­tuur­lik na die plaas­re­stau­rant se kom­buis, maar voeg by: “Dit vat ja­re om sjefs te oor­tuig dat on­kruid baie voed­saam is.”

As on­kruid dalk ooit in die hof moet ver­skyn, sal Gun­du­la be­slis vir die ver­de­di­ging op­tree. “On­kruid is dood­een­vou­dig plan­te wat op die ‘ver­keer­de’ plek groei,” sê sy en ver­dui­de­lik ver­der: ’n On­kruid is ’n op­por­tu­nis­tie­se plant met net een doel voor oë: om voor in die koor te wees wan­neer die son op­kom. Dié pi­o­niers­plan­te is die ge­ne­sers van die aar­de. “Hul­le rol is om die grond te be­dek en te be­skerm en le­we bo en on­der die grond aan te moe­dig.”

As dit by eet kom, is on­kruid prop­vol vi­ta­mie­ne en mi­ne­ra­le. Sy ver­tel graag die sto­rie oor hoe haar Rus­sie­se ou­pa die T­wee­de Wê­reld­oor­log oor­leef het deur per­de­blom­me te eet. “Gas­te vra par­ty­keer of ek per­de­blom­plan­te aan hul­le sal ver­koop.” Sy be­skryf mo­ro­go as “die bes­te Po­peye-spi­na­sie ter wê­reld”.

Daar groei ook brand­ne­tels op Ba­by­lon­sto­ren, maar dit word ge­reeld uit­ge­trek. “Tot nou toe kon ons nog nie vir Koos [Bek­ker] oor die plant se fan­tas­tie­se voe­dings­waar­de oor­tuig nie.” >

Newspapers in Afrikaans

Newspapers from South Africa

© PressReader. All rights reserved.