Die pad he­mel toe

In sy 12de (en waar­skyn­lik laas­te) boek stap die fyn­kos­ken­ner Peter Velds­man op ver paaie te­rug, maar ein­dig al­tyd weer op La­di­smith, aan die voet van die E­lands­berg.

Weg! Platteland - - SO IS DIE LEWE -

As jy met die R62 ry van die Kaap se kant af, Bar­ry­da­le ver­by, kry jy ’n vlak­te met wit klip­pe, daar by Ron­nie’s Sex S­hop rond. Dis die bar­re deel van die K­lein-ka­roo. S­kaap-, bok-, bob­be­jaan­wê­reld.

Ver­der­aan lê Ven­ster­krans se groen lu­sern­lan­de; by Win­kel­plaats be­gin jy die win­ger­de kry. To­wer­kop – die be­ken­de koe­pel­vor­mi­ge spits, mid­del­deur ge­splits, wat 2 202 m bo die K­leinKa­roo uit­troon – kom al hoe na­der...

Jy ry La­di­smith bin­ne en draai links by die ou kerk, ’n mees­ter­li­ke stuk ar­gi­tek­tuur deur Carl Ot­to Ha­ger, wat van­dag die dorp se in­lig­tings­kan­toor is. Kan jy glo, ek is die laas­te ba­ba wat in daar­die

kerk ge­doop is!

Die kerk­raad het des­tyds be­sluit hul­le moet ’n nu­we kerk bou, glo oor die oue in duie wou stort. Die kerk het lank leeg ge­staan voor ’n rol­ler­­meu­le daar in­ge­rig is. Daai ma­sjien het de­ka­des lank daar ge­loop, maar die kerk staan steeds...

Ie­der ge­val, daar by die ou kerk draai jy links, op in Kerk­straat, en kort voor lank is jy on­der die berg en al­les is skie­lik pu­re Bo­land. Die pad maak ’n skerp draai na regs en loop al langs die pla­to tot by K­nuys­wa­gendrift, my ou­pa Cil­liers se plaas aan die voet van die E­lands­berg waar ek groot­ge­word het en wat van­dag as die La­di­smith Coun­try Hou­se be­kend staan. Fyn­bos, heu­ning­bos, re­nos­ter­bos­sies, spek­boom, klap­per­bos, aal­wy­ne. Die voor­reg om sui­wer­skoon berg­wa­ter te drink, om mis­krui­ers te ge­waar – ’n 100%-waar­borg dat hier geen ska­de­li­ke goed in die na­tuur teen­woor­dig is nie.

Ver­der­aan gaan jy ver­by C.J. Lan­gen­ho­ven se ge­boor­te­huis voor die pad weer aan­sluit by die R62 na Zo­ar en A­ma­lien­stein, die poort na die Ka­roo-kou­veld. In hier­die een kort rit ry jy deur Ka­roo, K­lein-ka­roo, Bo­land – laat staan nog die prag­ti­ge Se­we­weeks­poort wat uit­mond in die Groot-ka­roo. Dis ’n on­gee­we­naar­de er­va­ring. ’n P­re­lu­de tot ’n kop­sui­we­rings­pro­ses as die kop laat los en die hart oor­neem. Dis die be­gin van ’n nu­we er­va­ring, ’n nu­we be­wus­wor­ding. Die pad he­mel toe.

Newspapers in Afrikaans

Newspapers from South Africa

© PressReader. All rights reserved.