Mites oor die naam
Oor waar die naam Baardskeerdersbos vandaan kom, word allerlei teorieë verkondig, maar nog nie een is amptelik bevestig nie.
1 Toeka se spinnekoppe?
Die naam Baardscheerders Bosch duik in 1660 die eerste keer op in ’n verslag deur vyf mans wat deur Jan van Riebeeck gestuur is om die Khoikhoi in dié vallei te ondersoek. Die ekspedisiegroep het skynbaar haarskeerders ( Solifugae) raakgeloop wat kastig menslike hare afknabbel om hulle neste te bou, maar die kunstenaar Niël Jonker meen dis bog. “Haarskeerders hou van warm, droë, halfwoestynagtige plekke soos my grootwordplek, die Karoo, waar ek al duisende van hulle gesien het. In my dekadeen’nbietjie op die dorp het ek nog nooit ’n haarskeerder gewaar nie.”
2’ n Plaas vir ’n skeermes
’n Ander verhaal wil dit hê dat ’n Khoikaptein hier só beïndruk was met ’n skeermes dat hy na bewering ’n plaas daarvoor geruil het.
3 Die skaapskêr-barbier
Die een of ander barbier van dié geweste het glo sommer ’n skaapskêr gebruik om sy kliënte se hare te sny – en die belangstellendes moes aanmeld by die spesiale haarskeerboom... Besluit maar self.