Die 7 mus­ke­tiers

Weg! Platteland - - Doen Dit Self -

1 KOEK­SO­DA

G’n groen huis kan son­der koek­so­da nie. Dank­sy ’n al­ka­lie­se ph van 8,1 is dié goed­koop poei­er­ag­ti­ge wit kris­tal­le­tjies ’n krag­ti­ge skoon­maak­mid­del wat ook ont­smet en reu­ke neu­tra­li­seer. Dit re­a­geer met vet en vorm ’n se­pe­rig­heid wan­neer jy skoon­maak, en ver­sag ter­self­der­tyd die wa­ter wat dit nóg meer skoon­maak­krag gee.

Nóg ge­brui­ke Dit neu­tra­li­seer reu­ke in ys­kas­te en op mat­te, ver­lig die ir­ri­ta­sie van in­sek­by­te en sal gou met ’n na­re sooi­brand klaar­speel. Dit is sterk ge­noeg om jou oond skoon te maak, maar ook vei­lig ge­noeg om ’n vel te streel wat te lank in die son was.

Bê­re dit in ’n lug­dig­te hou­er weg van di­rek­te son­lig. Koek­so­da breek af in was­so­da, wa­ter en kool­stof­di­ok­sied as dit hit­te kry.

Prys R55 vir 50 x 14 g­sak­kies

2 GROWWEEN EN­GEL­SE SOUT

Sout is goed­koop en na­tuur­lik. Dit ont­wa­ter die sel­le van bak­te­rieë en mi­kro­or­ga­nis­mes en kan daar­om ge­bruik word om kos te pre­ser­veer en won­de en op­per­vlak­ke in die huis te ont­smet.

Nóg ge­brui­ke Grow­we­sout (see­sout, son­der jo­di­um) ver­nie­tig bak­te­rieë, neu­tra­li­seer reu­ke, los vet op en help om vlek­ke te ver­wy­der. Gooi ’n kop­pie En­gel­se sout (mag­ne­si­um­sul­faat of ep­som

salts) by jou bad­wa­ter om seer spie­re te ver­lig en van gif­stow­we in jou lig­gaam ont­slae te raak. Meng ’n eet­le­pel van dié sout met 1 ℓ wa­ter en gee dit vir jou ta­ma­tie­plan­te, ro­se en suur­le­moen­bo­me.

Bê­re dit in ’n lug­dig­te hou­er en gooi ’n klom­pie rys­kor­rels of ’n bie­tjie mie­lie­blom by om te keer dat die kor­rels aan me­kaar kleef.

Prys R11 vir 1 kg see­sout; R20 vir 500 g En­gel­se sout

3 WITASYN

Na­tuur­li­ke a­syn, en ver­al ap­pela­syn, is ’n goed­koop ge­fer­men­teer­de pro­duk met na­tuur­li­ke mi­kro­e­le­men­te. Die suur speel klaar met kie­me en breek vet af. Ge­bruik witasyn om­dat bruin­of rooi­a­syn se­ke­re op­per­vlak­ke kan vlek en ook min­der lek­ker ruik. As die a­syn eers ver­damp het, het dit geen reuk nie, maar jy kan ’n paar drup­pels vlug­ti­ge o­lie saam met die a­syn in ’n spuit­kan­ne­tjie gooi of le­moen­skil­le in die a­syn laat t­rek vir ’n heer­li­ke geur in die huis.

Nóg ge­brui­ke Gooi ’n kop­pie witasyn in jou was­ma­sjien om hand­doe­ke sag te maak en te keer dat die kleur ver­bleik. A­syn laat glas, spie­ëls en ko­per splin­ter­nuut lyk, maar moe­nie dit op sil­wer of gra­nie­ten mar­mer­op­per­vlak­ke ge­bruik nie.

Bê­re dit A­syn is self­pre­ser­ve­rend en kan daar­om baie lank hou.

Prys R20 vir 5 ℓ

4 SUUR­LE­MOEN­SAP

Die lae ph van die si­troen­suur wat in suur­le­moe­ne voor­kom, maak dit ’n uit­ste­ken­de an­ti­bak­te­rie­se mid­del wat ook reu­ke neu­tra­li­seer, vet op­los en help om goed te bleik – én dit ruik lek­ker!

Nóg ge­brui­ke Ge­bruik suur­le­moen­sap saam met a­syn om die reuk van die a­syn te neu­tra­li­seer. Maak suur­le­moe­ne ’n paar se­kon­des in die mi­kro­golf­oond warm om meer sap uit te kry (vir skoon­maak­of kook­doel­ein­des). Glad­de­skil­suur­le­moe­ne be­vat ge­woon­lik meer sap.

Bê­re dit Vars suur­le­moen­sap sal 2­3 dae in die ys­kas hou, an­ders kan jy dit vir tot 6 maan­de in ys­bak­kies v­ries.

Prys ±R30 per kg

5 O­LYF­O­LIE

O­lyf­o­lie is vol vi­ta­mien E, mi­ne­ra­le en an­ti­ok­si­dan­te en daar­om uit­ste­ken­de kos vir hout en leer. Dis wel duur, maar ver­ge­lyk ge­rus die prys met dié van meu­bel­o­lie met ’n pe­tro­le­um­ba­sis. Vir huis­skoon­maak­doel­ein­des hoef jy nie die bes­te ek­stras­ui­wer o­lyf­o­lie te ge­bruik nie – ’n meer e­ko­no­mie­se o­lyf­o­lie­ver­snit sal ook deug.

Nóg ge­brui­ke Maak ’n s­meer met o­lyf­o­lie en grow­we­sout om giet­ys­ter­pot­te skoon te skrop, of s­meer dit aan jou vel om dit te voed.

Bê­re dit O­lyf­o­lie kan vir tot 2 jaar in ’n lug­dig­te hou­er in ’n don­ker kas be­waar word, an­ders sal dit ok­si­deer en al die goeie ei­en­skap­pe ver­loor.

Prys R55­R70 per li­ter (vir ’n ver­snit)

6 WA­TER­STOF­PER­OK­SIED

Wa­ter­stof­per­ok­sied, wat by die mees­te ap­te­ke te koop is, is ’n uit­ste­ken­de plaas­ver­van­ger vir chloor en bleik­mid­dels om­dat dit klaar­speel met vi­rus­se en bak­te­rieë son­der om gif­ti­ge gas­se vry te stel of ’n neer­slag te laat. Dit is ska­de­loos vir die om­ge­wing om­dat dit af­breek tot wa­ter en suur­stof. Ge­bruik die 3%­op­los­sing (HP10) in die huis.

Nóg ge­brui­ke Dis ’n fan­tas­tie­se ont­smet­tings­mid­del vir sny­bor­de, toi­let­te, bad­ka­mers, werk­op­per­vlak­ke en selfs won­de, en werk ook om reu­ke te neu­tra­li­seer.

Bê­re dit in ’n lug­dig­te hou­er in ’n don­ker plek, bui­te die be­reik van kin­ders.

Prys R11 vir 100 ml

7 VLUG­TI­GE O­LIES

By­na al­le tuis­ge­maak­te skoonmaakmiddels is reuk­loos, maar jy kan vlug­ti­ge o­lies by­voeg om dit lek­ker te laat ruik en ek­stra oemf te gee. Vlug­ti­ge o­lies (in En­gels

es­sen­ti­al oils) word ge­maak van ver­skeie plan­te wat elk­een sy eie gesondheidsvoordele het. Ont­hou net, die o­lie is ui­ters ge­kon­sen­treerd; ge­bruik dus slegs ’n paar drup­pels (so­wat 20 drup­pels is oor­ge­noeg vir ’n em­mer vol skoon­maak­wa­ter). Moe­nie die o­lie di­rek by die wa­ter gooi nie – meng dit eers met ’n le­pel sout of koek­meel en voeg dit dan by die wa­ter.

Nóg ge­brui­ke Tie­mie­, tee­boom­en la­ven­tel­o­lie het al­mal an­ti­bak­te­rie­se ei­en­skap­pe, maar ge­bruik tie­mie en tee­boom ook vir ’n e­ner­gie­in­spui­ting in die kom­buis en sit­ka­mer – en heer­lik kal­me­ren­de la­ven­tel in die slaap­ka­mer.

Bê­re dit Vlug­ti­ge o­lies moet op ’n don­ker plek en bui­te be­reik van kin­ders ge­bê­re word. Groot hoe­veel­he­de kan gif­tig wees.

Prys Dit hang af van die soort o­lie en of dit or­ga­nies is of nie. ’n Bot­tel­tjie met 11 ml kan jou R20­R70 uit die sak jaag. >

Newspapers in Afrikaans

Newspapers from South Africa

© PressReader. All rights reserved.