Beplan jou avontuur vir 2018!
Kry jou kalender en beplan jou volgende selfryavontuur saam met Wegry en Bhejane 4x4 Adventures.
KALAHARI-KGALAGADI 1 DATUM Ons volgende toer is in 2019 VERBLYF Tente PRYS R11650 p.p.
Besoek Mabenyani a Kalahari (“Juweel van die Kalahari”), ’n konsessiegebied van 4 miljoen hektaar in Botswana, en Mabuasehube in die Kgalagadi-oorgrenspark. Neem ’n leeu af nadat jy die diere saam met Boesmanspoorsnyers opgespoor het. Bring ook jou verkyker en geniet die Kgalagadi se voëlrykdom: breëkop-, roof- en swartborsslangarende, berghane én migrerende roofvoëls, waaronder die seldsame gevlekte arend.
LESOTHO-BAKENS 2 DATUM Ons volgende toer is in 2019 VERBLYF Lodge en gastehuis PRYS R8450 p.p.
Dié avontuur strek oor 6 dae en neem jou van oos na wes deur Lesotho. Beleef die Sanipas, die hoogste grondpad, grootste dam en hoogste ononderbroke waterval in Suider-afrika, asook ’n besoek aan die geboorteplek van die Basothonasie.
DRIE LANDE: KRUGER3 WILDTUIN, SWAZILAND EN MOSAMBIEK DATUM 2-10 Junie 2018 VERBLYF Tente en strandlodge PRYS R11550 p.p.
Ons avontuur begin met drie nagte in die sentrale en suidelike deel van die Krugerwildtuin, met een van dié aande langs die park se unieke private 4x4-roetes. Daarna mik ons vir Swaziland. Ons kamp in die westelike hoogland, besoek die Malolotjanatuurreservaat en kulturele en historiese besienswaardighede. Dan mik ons vir Ponta Malongane in Mosambiek waar ons drie nagte bly: Ry boot, snorkelduik en geniet die seekos.
TRANS-BOTSWANA: CAPRIVI, 4 CHOBE, VICTORIAWATERVAL DATUMS 29 Maart tot 8 April 2018, 22 Junie tot 2 Julie 2018, 4-14 Augustus 2018, 28 September tot 8 Oktober 2018 VERBLYF Tente PRYS R13950 p.p.
Ons begin in Lethlakane in die suide van Botswana en eindig in Kasane in die noorde. Tussenin lê ’n reis vol geografiese wonders deur die Makgadikgadipanne, eens die diepste deel van ’n reusemeer, die suide van die Okavangodelta en die Okavangorivier tot in die Zambesistreek (Caprivi) deur die Tsodilokoppies. Dan besoek ons die Choberivier en die wêreldbekende Victoriawaterval.