Thabitha Makuwa
Winkelassistent by die Algemene Handelaar
Thabita is 37 jaar gelede hier op Tonteldoos gebore, hoewel haar man en vier kinders op Stoffberg, 24 km hiervandaan, woon. “Ek is baie gelukkig hier: Dis stil en hier’s nie baie misdaad nie. Wat ek wel mis, is vervoer: Ek moet 17 km stap om te kom by ’n plek waar ek ’n geleentheid kan kry na Lydenburg of Groblersdal.”
Thabita werk al 4 jaar in die winkel – voor dit het sy kaas gemaak by The Cheese Shop. In hierdie winkel sit sy nooit stil nie: “As dit stil word, dan vee ek en maak skoon en pak reg.”