Mank­we­dam, Pi­la­nes­berg-na­si­o­na­le park, Noord­wes

Weg! Ry & Sleep - - SES VAN DIE BESTES -

Die Pi­la­nes­berg- na­si­o­na­le park is na­by ge­noeg dat Gau­ten­gers ’n kos­mand­jie, kof­fie­fles en ver­ky­ker kan gryp en vir die dag hier­heen kan deur­skiet.

Die be­amp­tes by die in­gangs­hek­ke ver­koop boe­kies met in­lig­ting oor die re­ser­vaat, roe­tes wat jy kan ry en ’n lys van die die­re wat jy kan sien. S­kaf vir jou een aan en hou hom som­mer by­der­hand, want jy gaan feit­lik on­mid­del­lik jou eer­ste reg­mer­kies langs die die­re­na­me kan maak. Bin­ne skaars 10 mi­nu­te het die be­ken­de vaal­grys lyf van ’n wit­re­nos­ter ver­by ons ge­draf.

Soek ook som­mer da­de­lik op die kaart na die Mank­we­dam as jy hon­ger is vir wild­kyk. Dis die groot­ste stuk wa­ter in die re­ser­vaat, om­trent in die mid­del van die park, en ’n mag­neet vir mens én dier. Draai na­by die dam af op die Hip­po-lus­pad wat jou tot by­na teen­aan die wa­ter sal neem. In teen­stel­ling met die net­jie­se groot­pad tot hier is dié paad­jie be­saai met slag­ga­te; kyk dus mooi waar jy ry.

Aan die teen­oor­ge­stel­de kant van die dam neem ’n net­jies toe­ge­bou­de hout­dek­paad­jie jou van die oe­wer van die dam af tot na­by ’n paar dooie bo­me in die wa­ter. Dis ’n guns­te­ling­plek vir vo­ël­ky­kers wat met hul­le ka­me­ras en lang len­se hier kom ver­ga­der.

Om die re­ser­vaat met ’n die­re­tuin te ver­ge­lyk is nie ver­ge­sog nie. Die bos­pa­try­se hier in die par­keer­ter­rein is só mak dit lyk of hul­le na­der staan om jou ’n bie­tjie be­ter te leer ken.

As jy vir lan­ger as ’n dag wil bly, kan jy by die na­by­ge­leë Ma­ny­a­ne-of Bak­gat­la- kamp in ’n self­sorg­een­heid gaan in­boek óf gaan kamp op­slaan.

Kon­tak 014 555 1000/1; re­ser­va­ti­ons@gol­den­le­o­par­dre­sorts.co.za; gol­den­le­o­par­dre­sorts.co.za GPS S25.254479 E27.219679

Newspapers in Afrikaans

Newspapers from South Africa

© PressReader. All rights reserved.