Haak ’n see­vis in die meer

Weg! Ry & Sleep - - KAMP & KATROL -

Is­land La­ke

In Wil­der­nis is jy al­tyd be­wus van wa­ter, of jy nou op die nim­mer­ein­di­gen­de strand gaan stap of saam met jou kin­ders in ’n trap­boot­jie op een van die stand­me­re vaar. En op el­ke pan wa­ter sien jy al­ler­han­de din­ge rond­dob­ber: ka­jak­ke, rub­ber­bo­te, wa­ter­ski’s en kol­gan­se. Vir kyk­ver­maak hoef jy dus by Is­land La­ke nie eens uit jou kamp­stoel op te staan nie, want jy kamp reg by die meer.

Die meer is net 3 km van die strand af, maar ’n stroom­pie van 5 km lank loop van die meer af tot in die Tou­w­ri­vier en mond 3,5 km ver­der uit in die see. Die meer is om­trent vier­kan­tig en is so­wat 1½ km van die een hoek na die an­der. Al kamp ’n mens nie langs die see nie, kom see­vis in die wa­ter voor. Dit sluit in leer­vis, knor­ders, steen­bras en sprin­gers.

Jy het dus steeds ’n hen­gel­per­mit no­dig as jy van dié vis in die meer wil vang.

Die oord het al­les wat jy van ’n plek met ’n drie­ster­gra­de­ring ver­wag. Die gras is groen en we­lig (selfs on­der die mag­dom koel­te­bo­me), die was­ka­mer is goed toe­ge­rus (dit kos R20 per was en R15 vir die tui­mel­dro­ër; R5 vir 150 g was­poei­er) en ’n mens kan sien die be­stuur het moei­te ge­doen met die bad­ka­mers. Die t­wee a­blu­sie­blok­ke is net­jies uit­ge­verf, die stort­hok­kies het ban­kies en ha­ke vir kle­re en hand­doe­ke, en dis sil­wer­skoon.

As jy van jou staan­plek af wil hen­gel, slaan jou kamp reg teen die strand­meer op, óf dieper en ver­der weg on­der die bo­me as jy be­skut­ting soek teen die aand­lug­gie.

Hier is ook vier ron­da­wels. Drie van hul­le het slaap­plek vir 4 men­se en die vier­de een kan 5 men­se huis­ves. Daar is ’n klim­raam om die klein­goed uit die pad (en uit die kwaad!) te hou.

Newspapers in Afrikaans

Newspapers from South Africa

© PressReader. All rights reserved.