Rival se liggewig-bosbreker
Die Russiese 4x4-toebehorevervaardiger Rival het pas ’n nuwe reeks bosbrekers in Suid-Afrika bekend gestel.
Rival se buffer word gemaak van ’n mengsel van see- en lugvaartgraad aluminium en weeg minder as 50 kg, maar dit sorg vir dieselfde beskerming as staal.
Die 6 mm-aluminiumplaat het die minimumsweiswerk, en waar moontlik, word dit gedruk uit ’n ononderbroke stuk aluminiumplaat. Op die koop toe kry jy LED-mislampe én herwinningspunte vir ’n hoogligdomkrag of kinetiese stroppe. Deel van die ontwerp is ’n monteerplek vir ’n wenas.
Die bosbreker voldoen aan die ADR69-standaarde vir lugsakontplooiing, wat beteken nóg jou voertuig se waarborg nóg die werking van die lugsakke word negatief beïnvloed. Die buffer pas tans slegs op die Toyota Hilux en Ford Ranger, maar aluminiumbuffers word ook vir ander voertuie beplan, onder meer die Volkswagen Amarok. Prys R25 500.
Kontak 011 394 8235; info@tuffstuff.co.za; tuffstuff.co.za