Hilux kry ’n lagie swart
Met opknapping kan ’n laag verf eiehandig die waarde van ’n huis opstoot. Cyril Klopper ry ’n spesiale weergawe van die Toyota Hilux om te sien of ’n lagie spuitverf hier en daar van hom ’n beter ryding maak.
Is die Hilux Black Edition ’n reaksie op Ford se pikswart Ranger Fx4? Toyota ontken dit ten sterkste en sê hy het al aan die begin van 2017 beplan om dié spesiale weergawe bekend te stel.
Suid-Afrika se gunstelingbakkie is geensins ’n nuweling as dit by spesiale weergawes kom nie. Daar was die Dakar-, die Legend 35-, 40- en 45sowel as die Heritage-weergawe. Pessimiste sal volhou dis bloot ’n bemarkingsfoefie deur Toyota om meer bakkies te verkoop – en dit is uiteraard Toyota se beweegrede – maar hierdie spesiale weergawes bied unieke aanbiedinge wat jy nie in standaardweergawes kry nie. Kom ons kyk.
Op die oog af
Die Black Edition is gegrond op die 2.8 GD-6-dubbelkajuitbakkie, die vlagskipmodel, en jy kan kies tussen tweewielaandrywing óf viertrek.
Dit word onderskei van ’n standaard-GD-6 deur ’n swart sierrooster, ’n swart insetsel op die voorste buffer, ’n swart agterbuffer en ’n swart dak.
Die buitewielnisse, deurknippe en syspieëls is dieselfde kleur geverf as die bakwerk. Toyota bied op die koop toe ook ’n bakseiltjie en spiekeries 18”-allooiwielvellings.
Die Black Edition is beskikbaar in drie kleure: Gletserwit,
chroomsilwer en grafiet- grys – vreemd genoeg is swart nie ’n opsie nie.
Binnelangs
Die instrumentepaneel het koolstofveselpaneelinsetsels (natuurlik nie egte koolstofvesel nie) en dit lyk goed.
Wat veiligheid betref, is daar sewe lugsakke en ISOFIXankerpunte vir babastoeltjies. Daar is ook ’n ooraanbod elektroniese hulpmiddels wat onder meer help dat jy >