JOU RYDING
7 Vat jou 4x4
Jy het beslis ’n 4x4 nodig om Khwai se sandpaadjies aan te durf, en as jy ’n boswaentjie sleep, is laestrek ’n móét. Hoewel ’n snorkel nie ’n vereiste is om by jou kampplek uit te kom nie, sal dit jou in staat stel om die netwerk van kanale oor te steek en sodoende ’n baie groter gebied te verken op jou wildritte.
8 Gaan alles na
Die sinkplaatgrondpad tussen Maun en Mababe Village, tesame met die dik sand, modder en water in Khwai, eis vinnig sy tol op jou voertuig. Maak dus seker jou enjin en onderstel word noukeurig nagegaan voor jy vertrek. Dis veiligheidshalwe beter om in ’n konvooi van minstens twee voertuie te reis.
9 Herstelwerk in Maun
Indien jy wel voertuigprobleme kry en op soek is na ’n puik werktuigkundige in Maun, bel vir Hokkan Haisambanga. Hy sal jou by jou oornagplek in Maun besoek om na jou ryding te kyk. 00 267 7418 5114