MAGOEBASKLOOF

Weg! Ry & Sleep - - INHOUD BOOK SECTION -

Kamp­plek­ke in Magoebaskloof dig­by T­za­neen is yl ge­saai, maar die nu­we Moun­tain Fly Fis­hing-kamp­plek is ’n goeie re­de om jou wa te haak. Dis nie net ’n nu­we kamp­plek nie, maar ook ’n ga­we weg­kom­plek vir vlieg­hen­ge­laars.

Die kamp­plek is op die plaas Mon­te C­ris­to, waar Jo­sie en Da­vid Pi­rie met a­vo­ka­do’s boer. Hier is vyf dam­me met fo­rel en ’n mens kamp teen­aan die groot­ste een. Elk van die vier staan­plek­ke het sy eie bad­ka­mer­ge­rie­we met ’n stort, toi­let, was­bak en op­was­ge­deel­te. Die bad­ka­mers se warm wa­ter kom van ’n don­kie waar­na die ei­e­naars om­sien. Hier is nie 220V-krag nie, maar son­pa­ne­le hou die lig­te aan die gang. (Dis só in­ge­rig dat jy ook jou foon kan laai; ont­hou net jou foon se USB-ka­bel.)

Elk van die staan­plek­ke het ’n stuk pla­vei­sel plus ’n groot gras­perk. Op jou staan­plek het jy jou eie piek­niek­ta­fel en ’n draag­ba­re braai­plek. As jy na­der aan die kan­toor loop, is hier ook wi­fi. By die kan­toor kan jy din­ge soos hout, hout­skool, vuur­aan­ste­kers en ys koop, en as jy om die een of an­der re­de kort­kom, ver­huur Jo­si­hul­le vlieg­hen­gel­stok­ke en ver­koop van die vlieg-aas.

Re­ën­boog­fo­rel is meer al­ge­meen in dié waters, maar jy staan ook ’n kans om ’n bruin­fo­rel aan die hoek te kry. Kam­peer­ders mag in e­ni­ge van die vyf dam­me hen­gel, maar die vang-en-vry­laat­re­ël geld hier.

Po­lo­kwa­ne Moun­tain Fly Fis­hing T­za­neen

KAMPHUISIE IN DIE BER­GE. Magoebaskloof is een van die mooi­ste stre­ke in die land, maar hier is nie veel kamp­plek­ke nie. Die Moun­tain Fly Fis­hing-kamp­plek het nou plek ge­maak vir kam­peer­ders, en na­der aan die na­tuur kan ’n mens nie.

Newspapers in Afrikaans

Newspapers from South Africa

© PressReader. All rights reserved.