Saal af by die Swartberg-hotel

Ons het op ’n Sondagmiddag aangekom by die Swartberg-hotel ( swart berghotel.co.za) op Prins Albert. Ek en my man is pensioentrekkers en dink twee keer voordat ons uiteet – maar die spyskaart was onweerstaanbaar. Ná ete betaal ek die rekening van R240. Toe ek die SMS kry, is R440 van my rekening verhaal. Nadat ek die saak met die bestuur opgeneem het, is die bedrag met ’n verskoning, dadelik aan my terugbetaal.

Gaan maak ’n draai by die hotel: Die kos is uit die boonste rak, die diens puik en die mense eerlik.

ELMARIE DE MEYER, Hoedspruit