SA Agulhas II
Die SA Agulhas II word gebruik vir navorsing in Antarktika en op eilande soos Marion- en Gougheiland, asook om voorraad na dié navorsingstasies te vervoer. Die skip is in 2012 gebou om sy voorganger – die SA Agulhas – te vervang toe dié finaal vasgemeer het. Die SA Agulhas II behoort in September op die volgende ekspedisie na Gough-eiland te vertrek. Leer ken die skip beter.
1,3 MILJARD
– Die boukoste (in rand) van die SA Agulhas II
134,2
– Die skip se lengte (in meter)
100
– Soveel passasiers kan op die SA Agulhas II vaar
(45 bemanningslede ingesluit)
30
– Die SA Agulhas II se topspoed (in km/h)
8
– Die aantal permanente laboratoriums aan boord.
2
– Dis hoeveel helikopters op die skip is – dit vervoer die navorsers
na waar die skip nie kan vaar nie.
1
– Die skip kan ys van tot 1 meter diep oopbreek.
-35
– Dis hoe koud (in °C) dit moet word voordat ys op die dek vorm – die dek het verwarmers om dit te verhoed.