Sriracha-macaroni

Vir 4 Voorbereityd 20 minute Gaarmaaktyd 20 minute Gee macaroni-en-kaas skop met srirachasous en chorizo – en moenie die krummelbolagie vergeet nie.

Jy benodig

• ¼ koppie botter • ¼ koppie meel • 1 ℓ melk • 2 eetlepels srirachasous • ¼ koppie songedroogte

tamaties, gekap • sout, na smaak • gemaalde swartpeper

na smaak • 10 cm chorizo, gekap • 2/ koppie broodkrummels

3 • 400 g macaroni • 2 koppies sterk gerasperde

cheddar

Só maak jy

1 Smelt die botter in ’n kastrol en roer die meel daarby in. Wanneer dit liggeel is en begin borrel, roer jy die melk bietjies-bietjies by totdat alles ingemeng is. Verhit tot by kookpunt terwyl jy dit aanhoudend roer. Roer die srirachasous, tamatie, sout en peper daarby. Indien die sous te dik is vir jou, voeg ’n bietjie ekstra melk by.

2 Sny die chorizo in skyfies en braai dit vir 2 minute liggies in ’n pan in 1 eetlepel olie. Skep die chorizo uit en roer dit deur die witsous. Behou die olie in die pan en braai die broodkrummels daarin tot goudbruin.

3 Voorverhit die oond tot 180 ºC. Kook intussen die macaroni vir 6 minute in soutwater – dit moet effens rou wees, want dit kook verder in die sous.

4 Meng die macaroni, sous en die helfte van die kaas. Sprinkel die res van die kaas en die krummels bo-oor. Bak dit vir 20 minute tot dit goudbruin is en die sous borrel.