Kondensmelkpasta
Vir 4 Voorbereityd 5 minute Gaarmaaktyd 15 minute Pasta vir poeding... hoekom nie? Dis ’n bietjie soos melkkos – wintertrooskos uit die boonste rakke! En dis só maklik jy kan dit in die kampterrein maak.
Jy benodig
• 100 g botter • 150 g vermicelli (of enige ander baie dun spaghetti) • 2 kaneelstokkies (of fyn kaneel na smaak) • 10 kardemompeule • 2 wonderpeperkorrels • 1-2 ℓ melk • ½ blikkie kondensmelk • amandels om bo-oor te sprinkel
Só maak jy
1 Smelt die botter in ’n groterige pot en braai die pasta, kaneel, kardemompeule en wonderpeper oor ’n redelike hoё hitte daarin totdat die pasta begin verkleur.
Roer die melk daarby (begin met 1 ℓ) en laat dit oor matige hitte prut totdat dit begin verdik – ongeveer 10 minute.
Roer die kondensmelk deur en laat die mengsel prut totdat dit dik is. Proe en voeg nog kondensmelk of melk by as jy van ’n meer loperige gereg hou. Verwyder die speserye voordat jy opskep. Sprinkel die neute bo-oor en bedien dit met ekstra kondensmelk.