WAAR SLAAP EK?
Die Hantam Huis-kompleks Die Coetzees het ’n stuk of agt ou woonhuise en Nagmaalkamers in die dorp gerestoureer. Elke huis se meubels en huisraad is met sorg uitgekies: koperkatels, grootjies se swart-en-wit foto’s in ovaal rame, handgekerfde eetkamerstoele, wastafeltjies... dit voel regtig asof jy ’n eeu in die verlede terugtree wanneer jy oor jou huisie se bokvelmatjie instap. Koste Vanaf R395 p.p. wat deel (vanaf R495 enkel) vir bed-en-ontbyt. Die selfsorgeenhede kos vanaf R300 p.p. Waar? Die meeste huise is in Wateren Hoopstraat. Ontbyt word bedien by die Hantam Huis-restaurant in Hoopstraat (oorkant die rooi posbus). Kontak 027 341 1606;
calvinia.co.za
Republic of RusticA
’n Vrolike mengelmoes van kamers wat elkeen met unieke dekor spog. Hier’s in totaal slaapplek vir 12 mense. Dirk en Sonja van Rensburg se kunstige kuierlapa in die agterplaas is saans ’n gesellige uithangplek met kaggels, ’n braaiplek, rakke vol langspeelplate en vriendelike honde om jou enkels. Dalk stop Sonja jou selfs ’n verfkwas in die hand! Koste ’n Enkelkamer kos R300 p.n. en ’n dubbelkamer vanaf R600 p.n. (ontbyt ingesluit). Waar? Stiglingstraat 37. Kontak 027 341 1423; 083 656 8592 (Dirk); 079 552 1040 (Sonja)
Carmel Villa
Dié Victoriaanse woning dateer uit 1904 en was die oorspronklike eie-naar, Leon Helfet, se trougeskenk aan sy bruid, Sarah Levine. Die boumateriaal is per trein van Kaapstad tot in Ceres vervoer en van daar af met waens tot op Calvinia gebring.
Die hoofhuis het 3 dubbelkamers (twee is en suite) en hier’s ook 2 selfsorgchalets (slaapplek vir 2 of 4 onderskeidelik) en ’n swembadjie. Koste ’n Dubbelkamer kos vanaf R720 p.n. (ontbyt ingesluit). Selfsorg: vanaf R550 p.n. vir 1 persoon tot R1 000 p.n. vir 4 mense. Jy kan vooraf reël vir ’n ontbyt in die hoofhuis teen R75 p.p. Waar? Pastoriestraat 19. Kontak 027 341 1446;
carmelcalvinia.co.za
Die Blou Nartjie
Hierdie mooi gastehuis sowel as sy gelyknamige restaurant is in een van die oudste woonhuise op Calvinia.
Hier’s 10 kamers, veilige parkering en vriesgeriewe vir daardie vleisie wat jy wil saamneem huis toe. Die restaurant is van Maandae tot Saterdae vir ontbyt oop van 7 vm.9 vm. en vir aandete vanaf 6.30 nm. Koste R355 p.p. vir ’n dubbelkamer en R1 420 vir ’n gesinskamer met slaapplek vir 4. (R170 vir kinders tussen 3 en 12 jaar oud wat met hulle ouers deel en R355 vir kinders ouer as 12. Pryse sluit ontbyt in.) Waar? Waterstraat 35. Kontak 027 341 1263; nartjie. co.za; herman@nartjie.co.za
Die Ou Lady
Dié gastehuis is onlangs gerestoureer, en waar die houtvloere uitgehaal is, is die planke gebruik om meubels vir die eenhede te maak. Die Ou Lady het ’n restaurantjie wat op weeksdae van 7 vm.-5 nm. oop is vir ontbyt, koffie en middagete. Hier’s veilige parkeerplek agter die huis. Koste Hier’s 2 dubbelkamers (Molly en Sarah) teen R550 p.n. en 2 gesinswoonstelle (slaapplek vir 4-6) teen R680 p.n. Waar? Waterstraat 29. Kontak 027 341 1110; 083 411 1437 (Lucia Coetzee)