Gee ’n ou soentjie, toe?
Ek en my vrou, Lily, het ’n paar dae op die Netherwood-gasteplaas in Nottingham Road deurgebring. Ons selfsorghuisie was naby ’n dam. Ek het my kamera gegryp en naby die dam gaan sit in die hoop dat iets sou opdaag. Tot my verbasing het ’n mahemmannetjie en -wyfie kom water drink. Dit was nie lank nie of die paringsdans het begin. Dié “piksoentjie” het my dag gemaak.
ANDY VAN DYK, Nigel